Spildurnýggj Dota 2 útgáva: 7.00


Eitt av allarstørstu e-sport spølunum er Dota 2, og tað hevur eisini eina langa søgu. Spælið sum byrjaði sum ein custom map til WarCraft III er nú blivið til eitt standalone spæl ment av Valve.

Gjøgnum langu søguna hevur spælið altíð havt eitt útgávunummar sum vísir status á menningini, og eitt heilt serligt lop er nú hent. Spælið er hoppað upp til eitt “runt tal”, nemliga 7.00.

Hetta plagar at hava stórar broytingar við sær, og her hendir heldur ikki einki. Ein nýggj hero er útgivin, og UI á spælinum hevur fingið eina broyting. Tú kanst lesa nærri um detaljurnar á uppdateringini á heimasíðuni hjá Dota 2.

13/12/2016 klokkan 06:00 - HForce

Í dag byrjar dokumentarserian um DOOM


Góði gamli klassikarin Doom varð endurføddur í ár í spildurnýggjum hami og við einkla navninum DOOM (sjálvt um tað er fjórða spælið í røðini).

Tað triðja spælið varð nakað annarleiðis enn upprunaligu spølini. Tað var nemliga nokk so seint og meira óhugnaligt enn tað var action-orienterað, men nýggjasta Doom fer aftur til røturnar við skjótum yvirdrivnum action.

Ein nýggj dokumentarseria fortelur um menningina á nýggja spælinum, og hon er byrjað í dag. Hon kemur út í trimum partum: ein mánadagin (í dag), ein týsdagin og ein mikudagin. Tú sært trailer fyri dokumentarin niðanfyri.

12/12/2016 klokkan 06:00 - HForce

Hololens augmented reality koncept við Pokémon


Síðani Pokémon GO varð avdúkað fyri einum ári síðani, hava vit øll stremba eftir at blíva Pokémon masters í veruliga heiminum. Men mobila spælið er kanska ikki alt tað, sum vit høvdu vónað.

Eitt nýtt koncept nærkast tó eitt sindur meira. Tað brúkar Microsoft Hololens til at vísa 3D modellir av pokémons har tú ert, og so kanst tú síggja teir berjast frammanfyri tær.

Hetta er totalt óofficielt og gjørt av einum fjeppara, so vit síggja nokk ikki nakað líknandi frá Nintendo fyribils. Men tað er enn stuttligt at ímynda sær hvat kann koma einaferð. Tú sært video av hesum niðanfyri.

11/12/2016 klokkan 06:00 - HForce

Nýggjur Rocket League bani útgivin


Enn ein nýggjur bani til Fótbólt Við Bilum (aka Rocket League). Umframt teir “vanligu” banarnar í spælinum, so hava tey eina Rocket Labs sektión har eksperimentellir banar eru at finna. Ein av teimum, Octagon, hevur nú fingið eina nýggja útsjónd og er blivin ein officiellur bani.

Banin hevur skift navn til Starbase Arc, og hevur eitt rúmdar sci-fi tema. Hann hevur enn vælkenda átta-kantaða formin.

Saman við hesum bananum kemur ein uppdatering við nýggjum bilum, møguleikanum at gera tínar egnu venjingar og ikki minst Steam Workshop support.

Tú sært eitt video um Starbase Arc niðanfyri, har mennarar hjá Rocket League greiða frá bananum og hvussu hann bleiv til.

10/12/2016 klokkan 06:00 - HForce

Vilt tú skriva fyri Gaming.fo?


Fylgir tú við hvat hendir innanfyri gaming, og dámar tær at skriva? So vil Gaming.fo ordiliga gjarna hava teg at skriva her á heimasíðuni!

Á Gaming.fo eru tíðindi um videospøl hvønn dag, og tú kanst verða við til at mynda tær greinar sum upptraðka. Um tú fylgir við í spæl ídnaðinum, og hevur hug og tíð at skriva okkurt lítið av og á, ert tú vælkomin at gera tað á Gaming.fo!

Um tú kundi hugsað tær møguleikan at skriva alment á einum staði har fólk síggja tað, er Gaming.fo upplagt. Heimasíðan hevur upp ímóti túsund vitjandi um mánaðin. Um tú ert áhugað/ur, so sig mær frá gjøgnum eitt PM ella í viðmerking niðanfyri.
09/12/2016 klokkan 06:00 - HForce

Gameplay úr Mass Effect: Andromeda


Vit hoyrdu fyrstu ferð í fjør um komandi spælið í Mass Effect røðini. Tað eitur Mass Effect: Andromeda, og gongur fyri seg í okkara nærmastu galaksu, Andromeda.

Fyrstu trý Mass Effect spølini gingu øll fyri seg í okkara egnu galaksu, Mjólkavegnum. Men í komandi spælinum síggja vit rasur vit longu kenna, so sum menniskju og krogans, so onkursvegna hava fólk megna intergalaktiska ferðing.

Í nýggjasta trailer sært tú heilt fitt av gameplay úr spælinum, og tað minnir uppá nógvar mátar um tað vit kenna. Tú sært trailaran niðanfyri. Mass Effect: Andromeda kemur út tann 31. mars til PC, PlayStation 4, PlayStation 4 Pro og Xbox One.

08/12/2016 klokkan 06:00 - HForce

Eitt oyðilagt Hyrule í Zelda: Breath of the Wild


Næsta ár kemur aftur eitt spæl sett í The Legend of Zelda universinum. Tað eitur Breath of the Wild, og er sett til at koma út til næsta konsolið hjá Nintendo, sum eitur Nintendo Switch.

Konsolið varð avdúkað fyri tveimum mánaðum síðani, og er eitt slag av konsol-handheld hybrid. Næsta Zelda spælið verður óivað ein av stóru drívmegunum sum skal fáa fólk at keypa eitt Switch.

Í einum nýggjum trailer fyri Breath of the Wild síggja vit hints til universið tað gongur fyri seg í, men einki konkret um søgu. Tó er landslagið nakað oyðilagt og dapurt. Spurningurin er, um hetta er nakað sum hendir í spælinum, ella um tað er dapurt tá tú byrjar.

Tú sært trailaran niðanfyri. The Legend of Zelda: Breath of the Wild kemur út næsta ár.

07/12/2016 klokkan 06:00 - HForce

Trailer: Mads Mikkelsen í Death Stranding


Skjótt síggja vit kanska tað heilt stóra meistaraverkið hjá ikoniska japanska spæl mennara Hideo Kojima. Hann er nemliga í holt við at menna eitt spæl, Death Stranding, hjá sínum heilt egna nýggja studio.

Kojima hevur leingi verið kendur sum maðurin handan Metal Gear røðina, men í fjør varð hann koyrdur úr Konami. Tí byrjaði hann sína heilt egnu fyritøku, Kojima Productions. Fyrsta spælið har frá verður Death Stranding, sum verður ekslusivt til PlayStation 4.

Spælið hevur stjørnuleikara Norman Reedus, og nú er eisini avdúkað at danski sjónleikarin Mads Mikkelsen er við. Hann upptraðkar í nýggjasta trailer fyri spælið, sum tú sært niðanfyri.

06/12/2016 klokkan 06:00 - HForce

Kategori Arkiv Síða < 1 2 [3] 4 5 6 ... 222 223 224 >